პოლონეთმა ოსვენციმის გათავისუფლების აღსანიშნავ ღონისძიებეზე ვლადიმირ პუტინი არ მიიწვია

პოლონეთმა რუსეთის პრეზიდენტი ვლადიმირ პუტინი საკონცენტრაციო ბანაკ „აუშვიც-ბირკენაუს“ გათავისუფლებიდან 75 წლისთავის აღსანიშნავ ღონისძიებებზე არ მიიწვია. ამის შესახებ ჟურნალისტებს რუსეთის პრეზიდენტის პრეს-სპიკერმა დიმიტრი პესკოვმა განუცხადა.

მისი თქმით, ღონისძიებას ვარშავაში რუსეთის ელჩი სერეგი ანდრეევი დაესწრება.

საკონცენტრაციო ბანაკი ნაცისტებისგან 1945 წლის  27 იანვარს გათავისუფლდა. გაერომ ეს თარიღი ჰოლოკოსტის მსხვერპლთა ხსოვნის საერთაშორისო დღედ დააწესა.

ოსვენციმში ღონისძიებებზე დასასწრებად საკონცენტრაციო ბანაკის 200-მდე ყოფილი ტყვე და 50-ზე მეტი ქვეყნის დელეგაცია ჩავიდა.

საკონცენტრაციო ბანაკი 1940-45 წლებში ამ დროის განმავლობაში, სხვადსახვა მონაცემით, განადგურდა 1,1-დან 2 მილიონამდე ადამიანი, მათ შორის ერთი მილიონი ებრაელი, 60 ათასი პოლონელი და 14 ათასამდე საბჭოთა სამხედრო ტყვე.