ირანის საგარეო საქმეთა მინისტრმა აშშ „ისლამურ სახელმწიფოს“ შეადარა

ირანის საგარეო საქმეთა მინისტრმა მუჰამედ ჯავად ზარიფმა აშშ-ის ხელისუფლება, რომელიც ირანს კულტურის  ძეგლების განადგურებით დაემუქრა, „ისალმური სახელმწიფოს“ ტერორისტებს შეადარა.

ზარიფის განცხადება გაეროს უსაფრთხოების საბჭოს სხდომაზე გაეროში ირანის მუმდივმა წარმომადგენელმა მაჯიდ თახთ-რავანჩიმ წაიკითხა. თავად ზარიფი სხდომას ამერიკის ვიზის არქონის გამო არ ესწრებოდა.

3 იანვრის ღამეს ამერიკელემა სამხედროებმა ოპერაცია ჩაატარეს ერაყის დედაქალაქის საერთაშორისო აეროპორტის სიახლოვეს ირანელი გენერლის ქასემ სოლემანისა და ერაყის შიიტური დანაყოფის ხელმძღვანელის მოადგილის აბუ მაჰდი ალ-მუჰანდისის წინააღმდეგ. ვაშინგტონის განცხადებით, ისინი მონაწილეობდნენ 2019 წლის დეკემბერში აშშ-ის საელჩოზე მომხდარ თავდასხმაში.

ირანის სულიერმა ლიდერმა ალი ჰამენეიმ განაცხადა, რომ სოლეიმანის სიკვდილი უპასუხოდ არ დარჩებოდა. 8 იანვარს ირანმა ერაყში მდებარე ამერიკულ ბაზებზე სარაკეტო იერიში მიიტანა.

დონალდ ტრამპმა თავის მხრივ განაცხადა, რომ ირანში 52 სამიზნეზე სწრაფ და ძლიერ დარტყმებს განახორციელებდა ამერიკელებზე თავდასხმის შემთხვევაში, ის ირანს ასევე უმკაცრესი სანქციებითაც დაემუქრა.

ირანის ისლამური რესპუბლიკის გუშაგთა კორპუსის გენერლის აბდულა არაგის განცხადებით, ირანი უახლეოს ხანებში სოლეიმანის მოკვლისთვის შურს იძიებს.