ინდონეზიაში 44 ათასი წლის ნახატი აღმოაჩინეს

არქეოლოგებმა ინდონეზიის კუნძულ სულავესზე კლდეზე დახატული ნახატი იპოვეს, რომელიც 44 თასი წლისაა. ნახატზე გამოსახულია ღორებსა და კამეჩევბზე ნადირობა. იუწყება ჟურნალი Nature.

გამოცემა წერს, რომ 4,5 მეტრი სიგრძის ნახატის ერთ ნაწილში გამოსახულია ველური ღორები და კამეჩები. მის გვერდით დახატულია მცირე ზომის ფიგურები, რომლებიც ადამიანებს გავს, მაგრამ მათ აქვთ ცხოველური  ნიშნები - კუდები ან მხეცის თავები. მეორე სექციაში ასევე გამოსახულია კამეჩი, რამდენიმე ფიგურასთან ერთად.

 „მსგავსი რამ არასდროს მინახავს, მხედველობაში მაქვს ის, რომ ამ რეგიონში ვნახეთ ასობით ადგილი კლდის მხატვრობით, მაგრამ არსდროს ნადირობის მსგავსი სცენა არსად გვინახავს“, - განაცხადა ავსტრალის უნივერსიტეტის არქეოლოგმა ადამ ბრამმა.

როგორც ჟურნალი იტყობინება, ზოგიერთ მეცნიერს მიაჩნია, რომ კომპოზიცია ერთიან ნახატს წარმოადგენს. ისინი ვარაუდობენ, რომ ეს არის ნახატების სერია, რომელიც რამდენიმე ათასი წლის წინ შეიქმნა.