ავსტრალიის პოლიციამ 828 მლნ დოლარის ღირებულების ნარკოტიკები აღმოაჩინა

ავსტრალიის ფედერალურმა პოლიციამ ქვეყნის ისტორიაში უმსხვილესი ნარკოტიკების პარტია ამოიღო, რომლის ღირებულებაც 800 მლნ დოლარს აღემატებოდა. ამის შესახებ უწყების ვებგვერდზე განთავსებულ განცხადებაშია ნათქვამი.

ოპერაცია მელბურნში აპრილში ჩატარდა. ავსტრალიის სასაზღვრო პოლიციის თანამშრომლებმა მელბურნის საზღვაო პორტის ტვირთის შემოწმებისას აკუსტიკურ სტერეოდინამიკებში დამალული ნარკოტიკები აღმოაჩინიეს. სულ აღმოჩენილია 1,596 ტონა მეტამფეტამინი და 37 კგ ჰეროინი, რომელთა საერთო ღრებულება 828,7 მლნ დოლარს შეადგენს.

ამ საქმესთან დაკავშირებით, 5 დეკემბერს ორი მამაკაცი და ერთი ქალი დააკავეს. სამივეს ბრალი ნარკოტიკების უკანონო ბრუნვის მუხლით წაუყენეს, სავარაუდოდ, ისინი სასამართლოს წინაშე დღესვე წარსდგებიან. დანაშაულის მაქსიმალური სასჯელი უვადო პატიმრობას ითვალისწინებს.