მელანია ტრამპმა თეთრი სახლი საშობაოდ მორთო

აშშ-ის პირველმა ლედიმ მელანია ტრამპმა თეთრი სახლი საშობაოდ მორთო. ვიდეო მელანიასა და თეთრი სახლის მიკორბლოგ Twitter-ზე გამოქვეყნდა. 

„თეთრ სახლში ამერიკის სული ანათებს“, - დაწერა მელანიამ.

საახალწლო მორთულობის მთავარი ფერები თეთრი და წითელია.

თეთრ სახლში დგას საშობაო ნაძვის ხეები. რეზიდენციაში ასევე ნახავთ სან ფრანცისკოს ხიდის „ოქროს კარიბჭის“, თეთრი სახლისა და თავისუფლების ქანდაკების მაკეტებს.

თეთრი სახლის მწვანე ოთახში არის  Advent-კალენდრები. კიბეები მორთულია წიწვოვანი გირლიანდებით, რომლებსაც მწვანე ბაფთები ამშვენებს. მთავარ სასადილო ოთახში ბუხარი დეკორირებულია წითელი ვარდებით.

თეთრი სახლის მთავარი საშობაო ნაძვის ხე პენსილვანიის შტატიდან პრეზიდენტის რეზიდენციაში 25 ნოემბერს ჩაიტანეს. მას მელანია ტრამპი დახვდა, 2018 წელს ამ ცერემონიაში დონალ ტრამპიც მონაწილეობდა, 2017 წელს კი მშობლებთან ერთად იმყოფებოდა წყვილის ვაჟი - ბარონი.