2016 წელს ვერეს ხეობაში და მზიურის პარკის მიმდებარე ტერიტორიაზე სარეკრეაციო ზონა მოეწყობა - დავით ნარმანია

თბილისის მერია 2016 წელს ვერეს ხეობასა და მზიურის პარკის მიმდებარე ტერიტორიაზე სარეკრეაციო ზონის მოწყობას და დენდროლოგიური პარკის რეაბილიტაციას გეგმავს. ამის შესახბ დედაქალაქის მერმა დავით ნარმანიამ განაცხადა.

მისივე განმარტებით, აღნიშნული სარეკრეაციო ზონის მოსაწყობად ბიუჯეტში 2 მლნ. ლარია გათვალისწინებული.

დედაქალაქის მერმა აღნიშნა, რომ 2016 წლის ბიუჯეტში თბილისის გამწვანების ღონისძიებებისთვის გათვალისწინებულია 13 751,3 ათასი ლარი. პროგრამას,

„გამწვანების ღონისძიებების პროგრამის ფარგლებში დაგეგმილია დენდროლოგიური პარკის რეაბილიტაციაც”, - განაცხადა დედაქალაქის მერმა.  

შეგახსენებთ, რომ დედაქალაქის საკრებულომ 2016 წლის ბიუჯეტი დაამტკიცა. ბიუჯეტი 815 მლნ. 900 ათასი ლარით განისაზღვრა და პრიორიტეტებად კვლავ ინფრასტრუქტურის განვითარება, განათლება, ჯანდაცვა და სოციალური უზრუნველყოფა, ასევე, გამწვანებითი ღონისძიებები რჩება.