აშშ-მა აბუ ბაქრ ალ-ბაღდადის ლიკვიდაციის ამსახველი კადრები გამოაქვეყნა

აშშ-მა „ისლამური სახელმწიფოს“ მეთაურის აბუ ბაქრ ალ-ბაღდადის ლიკვიდაციის ამსახველი ვიდეოკადრები გამოაქვეყნა. შეიარაღებული ძალების გენერალმა კენეთ მაკენზიმ ბრიფინგზე განაცხადა, რომ  სპეცოპერაციის  დროს 6 ტერორისტი, მათ შორის ოთხი ქალი განადგურდა.

 „მივიღეთ აუცილებელი ზომები იმისთვის, რომ თავიდან აგვერიდებინა მსხვერპლი მშვიდობიან მოსახლეობას შორის, ასევე დაგვეცვა ბავშვები, რომლებიც ჩვენი შეფასებით, ობიეტქზე იმყოფებოდნენ. ობიექტზე მყოფი „ისლამური სახელმწიფოს“ ხუთი წევრი სპეცრაზმელებისთვის საფრთხეს წარმოადგენდა, ისინი არ რეაგირებდნენ არაბულ ენაზე გაცემულ ბრძანებაზე, დანებების შესახებ. ისინი განადგურდნენ, მათ შორის ოთხი ქალი და ერთი მამაკაცი“, - განაცხადა გენერალმა და აღნიშნა, რომ  ალ-ბაღდადიმ თავი აიფეთქა ორ ბავშვთან ერთად.

ალ-ბაღდადის ლიკვიდაცია, 27 ოქტომბერს, იდლიბის პროვინციაში სპეცოპერაციის დროს მოხდა.