ალ-ბაღდადის კვალს მისი მთავარი თნაშემწის მეშვეობით მიაგნეს

„ისლამური სახელმწიფოს“ ლიდერის აბუ ბაქრ ალ-ბაღდადის კვალს მისი ერთ-ერთი მთავარი თანაშემწის მეშვეობით მიაკვლიეს. ამის შესახებ სააგენტო „როიტერი“ ერაყის უსაფრთხოების ძალებზე დაყრდნობით იუწყება.

სააგენტოს წყაროს ცნობით, ისმაილ ალ-ითავი ალ-ბაღდადის ხუთი მთავარი თანაშემწიდან ერთ-ერთი იყო. 2006 წელს ის „ალ-ქაიდას“ შეუერთდა, 2008 წელს კი აშშ-ის შეირაღებულმა ძალებმა დააკავა და ოთხი წელი ციხეში გაატარა. ამის შემდეგ ალ-ბაღდადიმ ალ-ითავის საკვანძო საკითხები მიანდო, მათ შორის „ისლამური სახელმწიფოს“ მეთაურების შერჩევა.

მიმდინარე წელს აშშ-ის, თურქეთისა და ერაყის სპეცსმსახურების ერთობლივი ოპერაციის დროს ტყვედ აიყვანეს „ისლამური სახელმწიფოს“ მნიშვნელოვანი ფიგურები, მათ შორის ოთხი ერაყელი და სირიელი. მათ მიაწოდეს ინფორმაცია, თუ სად ხვდებოდნენ სირიაში ალ-ბაღდადის, რის შემდეგაც სპეცსამსახურები დაუკავშირდნენ ცენტრალურ სადაზვერვო სამმართველოს ამ ადგილზე დაზვერვის თანამშრომელთა დიდი რაოდენობით განთავსებს თაობაზე.

 „2019 წლის შუა პერიოდში დავადგინეთ, რომ ალ-ბაღდადი გადაადგილდებოდა თავის ოჯახთან და უახლეოს თანაშემწეებთან ერთად სოფლიდან სოფელში იდლიბში“, - განუცხადა სააგენტოს წყარომ.

ამის შემდეგ დაზვერვის სამსახურის თანამშრომლებმა იდლიბის ბაზარში შენიშნეს ერაყელი და ფოტოსურათებით მასში ალ-ითავი ამოიცნეს. ისინი მის კვალს გაყვნენ, რამაც იმ სახლთან მიიყვანა, სადაც ალ-ბაღდადი ცხოვრობდა.

„ჩვენ დეტალები დაზვერვის ცენტრალურ სამმართველოს გადავეცით, ისინი ბოლო ხუთი თვის განმავლობაში თვალთავლისთვის იყენებდნენ თანამგზავრსა და უპილოტო საფრენ აპარატს“, - განაცხადა წყარომ.

ალ-ბაღდადი სახლიდან ბოლოს ცოტა ხნს წინ თავის ოჯახთან ერთად გამოვიდა მეზობელ სოფელში წასასვლელად, წყაროს თქმით, ეს მისი სიცოცხლის ბოლო წუთები იყო.

აშშ-ის პრეზიდენტმა დონალდ ტრამპმა 27 ოქტომბერს‘ალ-ბაღდადის ლიკვიდაცია დაადასტურა. მისი თქმით, 26 ოქტომბერს, აშშ-ს სამხსახრუების ოპერაციის დროს, მან აიფეთქა. მასთან ერთად დაიღუპა მისი სამი შვილიც.