იაპონიაში, 1,8 მლნდ დოლარად შეფასებული ბრილიანტი მოიპარეს

1,8 მლნ დოლარის ღირებულების 50-კარატიანი ბრილიანტი მოიპარეს იაპონიის ქალაქ იოკოჰამაში გამოფენიდან.

იაპონური მედიის ცნობით, გამოფენის ერთ-ერთმა მონაწილემ დახურვის დროს აღმოაჩინა, რომ მინის ქვეშ ბრილიანტი აღარ იდო, ბოლოს მან ძვირფასი ქვა ერთი საათით ადრე ნახა. აღმოჩნდა, რომ სტენდი გახსნილი იყო. აღნიშნული ბრილიანტის გარდა სტენდიდადნ სხვა არაფერი დაკარგულა.

სათვალთვალო კამერებიდან ამოღებულ ვიდეოჩანაწერებში ჩანს, რომ გარკვეულ მომენტში სტენდის სიახლოვეს იმყოფებოდა ხანდაზმული მამაკაცი, რომლის გარშემოც რამდენიმე ქალი იყო შეკრებილი. უკავშირდება თუა არა ეს ჯგუფი ძარცვას, ჯერჯერობით, უცნობია.

დაწყებულია გამოძიება.