მე არ მეშინია მაიდნის, გარწმუნებთ სისხლისღვრა არ იქნება- ვოლოდიმირ ზელენსკი

უკრაინის პრეზიდენტ ვოლოდიმირ ზელენსკის თქმით, მასობრივი აქციების შემთხვევაში სისხლისღვრა არ იქნება, მან ამის შესახებ მედიის წარმომადგენლებთან შეხვედრაზე განაცხადა.

 „პოროშენკომ იგრძნო, რომ, „შტაინმაიერის ფორმულა“ გასაღებია... პოროშენკოს შეცდომა ის არის, რომ მას ჰგონია, რომ შეუძლია სხვა მაიდანის ლიდერი იყოს. ის ძალების დაყოფის წინააღმდეგია და ფიქრობს რომ ამის გამო შესაძლოა მაიდანი მოხდეს. ის ხალხს უბიძგებს თავისი მედიით, თავისი ქმედებებით“, - განაცხადა ზელენსკიმ.

შეკითხვაზე მზად არის თუ არა ის დიალოგისთვის ხალხთან, რომელიც მაიდანზე გამოვა, ზელენსკიმ უპასუხა, რომ ის ყოველთვის მზად არის ხალხთან ურთიერთობებისთვის. „მე კავშირი მაქვს ხალხთან, მზად ვარ მათთნ ურთიერთობებისთვის... ამის არ მეშინია, ნებისმიერ მომენტში, ნებისმიერ წამს, თუ საზოგადოების სურვილი აღარ იქნება, რომ ჩემმა გუნდმა გაგრძელოს მუშაობა და მე ვიყო პრეზიდენტი, მზად ვარ ამისთვის. სისხლისზღვრა არ იქნება, მე ძალიან მშვიდად ვუყურებ ამას“, - განაცხადა ზელენსკიმ.