ნიკოლას მადურო ჩრდილოეთ კორეაში ჩასვლას გეგმავს

ვენესუელის დე ფაქტო პრეზიდენტი ნოკოლას მადურო ჩრდილოეთ კორეაში ჩასვლას გეგმავს. ამის შესახებ მან სახელმწიფო ტელევიზიის ეთერში განაცხადა.

 „დარწმუნებულ იყავით, მალე წავალ ჩრდილოეთ კორეაში“, - განაცხადა მან ტელემიმართვაში.

ვენესუელაში პოლიტიკური კრიზისი მას შემდეგ გამწვავდა, რაც მიმდინარე წლის იანვრის ბოლოს ოპოზიციის ლიდერმა ხუან გუაიდომ თავი დროებით პრეზიდენტად გამოაცხადა და ნიკოლას მადუროს გადადგომა მოითხოვა. ხუან გუაიდო ვენესუელას დროებით პრეზიდენტად აშშ-მა, კანადამ, ლათინური ამერიკის ქვეყნების ნაწილმა და ევროკავშირის წევრების უმრავლესობამ, ასევე საქართველომ აღიარეს. ნიკოლას მადუროს მხარს უჭერენ  რუსეთი, ჩინეთი და თურქეთი.