არ ვაპირებთ რუსეთის წინააღმდეგ ვინმესთან მეგობრობას - ალექსანდრ ლუკაშენკო

ბელარუსის პრეზიდენტმა ალექსანდრ ლუკაშენკომ უკრაინელ ჟურნალისტებს განუცხადა, რომ მინსკი რუსეთის წინააღმდეგ არავისთან იმეგობრებს.

„ჩვენთან რეფერენდუმი ჩატარდა და მოსახლეობის უმეტესობამ მხარი დაუჭირა რუსეთთან მეგობრულ ურთიერთობას. ამიტომ არ ვაპირებთ რუსეთის წინააღმდეგ ვინმესთან მეგობრობას. როდესაც მძიმე დღეები გვქონდა, რუსეთისა და ჩინეთის გარდა არავინ დაგვხმარებია“, - განაცხადა ლუკაშენკომ.

 „ჩვენ და თქვენ სხვადასხვა ურთიერთობა გვაქვს რუსეთთან. ჩვენ სხვა მეგობრები გვყავს, თქვენ სხვა. კარგად მესმის, რატომ გაქვთ ასეთი ურთიერთობები“, - - აღნიშნა ბელარუსის პრეზიდენტმა.

მისი თქმით, ბელარუსი უკრაინისგან განსხვავებით რუსეთიდან საციცოხლო მნივნელობის პროდუქციას იღებს, განსაკუთრებით ნახშირწყალბადს. „თქვენ მაინც რაღაცას მოიპოვებთ, ჩვენ  საერთოდ არაფერი გვაქვს“, - უთხრა უკრაინელ ჟურნალისტებს ლუკაშენკომ.  

 „საერთოდ არ მაქვს პრობლემები რუსეთის პრეზიდენტთან ურთიერთობაში, ჩვენ ძალიან კარგი ურთიერთობები გვაქვს, თუმცა არსებობს სხვა პრობლემები, რომლებიც უნდა გადაიჭრას“, - აღნიშნა მან.