რუსეთის არმიის ავიაერიშების შედეგად სირიაში 9 მშვიდობიანი მოქალაქე დაიღუპა, მათ შორის 3 ბავშვია

ცხრა მშვიდობიანი მოქალაქე დაიღუპა და 20 დაიჭრა სირიაში, იდლიბის პროვინციაში რუსეთისა და სირიის სამთავრობო ჯარების მიერ განხორციელებული ავაიერიშების შედეგად.

ამის შესახებ თურქული სააგენტო Anadolu ორგანიზაცია „თეთრ ჩაფხუტებზე“ დაყრდნობით იუწყება.

აქტივისტების მონაცემებით, დაღუპულთა შორის სამი ბავშვია.

თურქეთი და რუსეთი გასული წლის სექტემბერში შეთანხმდნენ იდლიბი დეესკალაციის ზონად ექციათ, სადაც აგრესიის აქტები მკაცრად აკრძალულია. თუმცა სირიის რეჟიმმა და მისმა რუსმა მოკავშირეებმა ამ რეგიონში ამბოხებულების წინააღმდეგ იერიში დაიწყეს.
ამჟამად, დეესკალაციის ზონაში ოთხი მლნ მშვიდობიანი მოქალაქე ცხოვრობს.