„ბარსელონა“ მესისთვის ახალი კონტრაქტის შეთავაზებას აპირებს

ესპანეთის „ბარსელონა“ აპირებს ლიონელ მესის ახალი კონტრაქტი 2023 წლამდე გაუგრძელოს. იუწყება ESPN.

გამოცემის წყაროს ცნობით, კლუბის პრეზიდენტი ხოსეპ ბართომეუ პირადად გამართავს მოლაპარაკებებს მესის მამასთან და აგენტთან - ხორხესთან. თუ არგენტინელი ფეხბურთელი ახალ კონტრაქტს ხელს მოაწერს, ის „ბარსელონაში“ 36 წლამდე ითამაშებს.

მესის ახლანდელი კონტრაქტი ძალაში 2021 წლის ზაფხულამდეა. ახალი კონტარქტი მესისთვის კლუბში თამაშის ისტორიაში უკვე მეათე გახდება.