წარმომადგენელთა პალატის სპიკერს ციხეში დონალდ ტრამპის ხილვა სურს

აშშ-ის კონგრესის წარმომადგენელთა პალატის სპიკერმა ნენსი პელოსმა დემოკრატების პარტიის ლიდერებთან და პალატის იურიდიული კომიტეტის თავმჯდომარესთან ჯეროლდ ნადლერთან შეხვედრაზე განაცხადა, რომ დონალდ ტრამპის მიმართ იმპიჩმენტის პროცედურის ნაცვლად მისი ციხეში ხილვას ისურვებდა. ამის შესახებ გამოცემა Politico წერს.

 „მე არ მსურს მისი (ტრამპის) იმპიჩმენტი, მინდა ის ციხეში ვიხილო“, - აღნიშნა პელოსიმ.

ამასთან პალატის სპიკერი მხარს უჭერს თავის კოლეგა დემოკრატებს პრეზიდენტის იმპჩმენტთან დაკავშირებით, თუმცა მიიჩნევს, რომ ამისთვს აუცილებლია შესაბამისი დრო და პირობები, კერძოდ, დემოკრატებს სჭირდებათ საზოგადოებისა და ორივე პარტიის ძლიერი მხარდაჭერა.

იმპიჩმინეტის საკითხი მას შემდეგ კიდევ ერთხელ გამძაფრდა, რაც აშშ-ს სპეცპროკურორმა რობერტ მალერმა, რომელიც საპრეზიდენტო არჩევნებში რუსეთის ჩარევას იძიებდა, განაცხადა, რომ არ აპირებდა გამოძიების შედეგების საჯაროდ განხილვას, მათ შორის კონგრესის სხდომაზე. მისივე თქმით, კონგრესში დაკითხვაზე დაბარების შემთხვევაში ახალ ინფორმაციას არ მიაწვდიდა.

სპეცპროკურორმა ორწლიანი გამოძების შემდეგ დაადგინა, რომ რუსეთი 2016 წლის საპრეზიდენტო არჩევნებში ჰაკერული თავდასხმებითა და სოციალურ ქსელებში ცრუ ინფორმაციის გავრცელებით ჩაერია. ამავე დროს, მალერმა პრეზიდენტ დონალდ ტრამპისა და რუსეთის კავშირის დადასტურება ვერ მოახერხა.