უორენ ბაფეტთან სადილობა ბიზნესმენმა ჯასტინ სანმა 4,57 მლნ დოლარად შეიძინა

კომპანია BitTorrent-ის აღმასრულებელმა დირექტორმა და კრიპტოვალუტა TRON-ის დამფუძნებელმა ჯასტინ სანმა ცნობილ ინვესტორთან, მილიარდერ უორენ ბაფეტთან სადილობა უქციონზე რეკორდულ ფასად - 4,75 მლნ დოლარად შეიძინა.

 „ასვე ვეპატიჟები ბლოკჩეინ-ინდუსტრიის ლიდერებს ინვესტიციების ტიტანთან შეხვედრაზე. ვიმედოვნებ, ეს ყველასთვის სასარგებლო იქნება“, - დაწერა სანმა მიკრობლოგ „ტვიტერში“.

საინვესტიციო ფონდ Berkshire Hathaway-ის დამფუძნებელი და მსოფლიოს ერთ-ერთი უმდიდრესი ადამიანი უორენ ბაფეტი 2000 წლიდან ყოველწლიურად მართავს საქველმოქმედო აუქციონს, სადაც მასთან სადილობა თამაშდება.

ცნობილია, რომ ბაფეტი კრიპტოვალუტის სასტიკი წინააღმდეგია და ის მკაცრად არაერთგზის გაუკრიტიკებია.