ნიკოლას ქეიჯის ოთხდღიანი ქორწინება ოფიციალურად დასრულდა

ჰოლივუდის მსახიობის ნიკოლას ქეიჯის ოთხდღიანი ქორწინება ოფიციალურად დასრულდა. მოსამართლემ მსახიობი და ვიზაჟისტი ერიკა კოიკე ოფიციალურად განაქორწინა.

ქეიჯმა განქორწინების დოკუმენტებში მიუთითა, რომ ის და კოიკე ხელის მოწერის დროს ალკოჰოლის ძლიერი ზემოქმედების ქვეშ იმყოფებოდნენ და ვერ აცნობიერებდნენ, რას აკეთებდნენ. ამის გარდა, გაირკვა, რომ ერიკა კოიკე ურთიერთობაში იყო სხვა მამაკაცთან. იუწყება ჟურნალი People.

ქეიჯი და კოიკე 23 მარტს დაქორწინდნენ, 27 მარტს კი მსახიობმა სასამართლოში შეიტანა განცხადება ამ ქორწინების ანულირების შესახებ. ქეიჯი და კოიკე ლას-ვეგასში დაქორწინდნენ.

ამ ქალაქში მოქმედებს დაქორწინების გამარტივებული წესი. მოწმობა გაიცემა მომენტალურად. ფორმალურად აუცილებელია მხოლოდ მოწმობა განქორწინების შესახებ, იმ შემთხვევაში თუ რომელიმე მხარე მანამდე იყო დაქორწინებული. მშობლების თანხმობით დაჩქარებული წესით დაქორწინება ასევე შეუძლიათ ქორწინების ასაკს მიუღწეველ პირებსაც.

ქეიჯის ეს მეოთხე ქორწინება იყო. მესამე ცოლს ის 2016 წლის იანვარში გაშორდა.