მამაკაცს, რომელიც თეთრ სახლში შეჭრას ცდილობდა, ცეცხლი გაუხსნეს | ვიდეო

აშშ-ის საიდუმლო სამსახურის აგენტებმა მამაკაცს, რომელიც თეთრი სახლის ტერიტორიაზე  შეჭრას ცდილობდა, ესროლეს.  

ინციდენტი კვირას მოხდა. უცნობი აშშ-ის პრეზიდენტის რეზიდენციის დახურულ ტერიტორიაზე გადავიდა, მას შემდეგ რაც დონალდ ტრამპი იქიდან გამოვიდა.

გავრცელებული ცნობით, სპეცსმსახურების წარმომადგენლებმა მამაკაცი რამდენჯერმე გააფრთხილეს. თუმცა მას შემდეგ, რაც ის მოძრაობას მაინც განაგრძობდა, ცეცხლი გაუხსნეს. ამ მომენტისთვის მისი მდგომარეობა უცნობია.

New China TV-მ ინციდენტის ამსახველი ვიდეოჩანაწერი გაავრცელა.