ლუიზიანას შტატის ვიცე-გუბერნატორი დონალდ ტრამპს პრეზიდენტის გამოსახულებიანი წინდებით დახვდა

ლუიზიანას შტატის ვიცე-გუბერნატორი ბილი ნანგესერი აშშ-ის პრეზიდენტს დონალდ ტრამპს დახვდა წინდებით, რომელზეც გამოსახული იყო პრეზიდენტის პორტრეტი, ქერა თმით.

ტრამპი ლუიზიანაში სამუშაო შეხვედრას მართავდა.

ნანგესერმა პრეზიდენტთან შეხვედრის ფოტო მიკრობლოგ Twitter-ში გამოაქვეყნა. ის ტრამპს ხელს ართმევს და წინდას აჩვენებს. ფოტოს დართული აქვს ჰეშთეგი „ვაქციოთ წინდები კვლავ დიდებულად“(Make Socks Great Again).

წინდები Amazon-ზე 27,49 დოლარად იყიდება. „წინდები „დონალდ ტრამპი“, რბილი, ფუმფულა თმებით, რომელიც შეგიძლიათ გაასწოროთ, დავარცხნოთ და გაწეწოთ. შეცვალეთ პრეზიდენტის სტილი განწყობის მიხედვით!“- ნათქვამია პროდუქტის აღწერილობაში.