ინტელექტუალური საკუთრების სამართლის განვითარების ხელშეწყობისთვის მემორანდუმი გაფორმდა

საქართველო, თბილისი - 15:16 | 15.12.2015

ნანახია: 1722

„მართლმსაჯულების სახლში“ საქპატენტსა და იუსტიციის უმაღლეს სკოლას შორის დღეს, 15 დეკემბერს მემორანდუმი გაფორმდა, რომლის ფარგლებში აღნიშნული ორი უწყება ინტელექტუალური საკუთრების სამართლის კონკრეტულ მიმართულებებზე, იურიდიული პროფესიის წარმომადგენელთათვის, სასწავლო პროგრამებს შეიმუშავებს და იზრნებს ამ პროგრამების შემდგომ განვითარებასა და პოპულარიზაციაზე. მემორნდუმის გაფორმების მიზანია ინტელექტუალური საკუთრების სამართლის მიმართულებით სასამართლო პრაქტიკის სრულყოფა-განვითარება.

პირველი სამუშაო შეხვედრა ღონისძიება ხელმოწერის ცერემონიის შემდეგ გაიმართა, იუსტიციის უმაღლეს სკოლაში. ინტელექტუალური საკუთრების ეროვნული ცენტრის - საქპატენტის თავმჯდომარემ მოსამართლეებს გააცნო ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) თანახმად მომზადებული ინტელექტუალური საკუთრების კანონმდებლობაში შესატანი ცვლილებათა პაკეტი, ასევე, შეხვედრაზე იმსჯელეს დავების განხილვასთან დაკავშირებულ პრობლემურ საკითხებზე.