გიორგი კვირიკაშვილმა შეხვედრა გამართა გაეროს ქალთა ორგანიზაციის აღმასრულებელ დირექტორთან

საქართველოს ვიცე-პრემიერმა, საგარეოს საქმეთა მინისტრმა გიორგი კვირიკაშვილმა შეხვედრა გამართა გაეროს ქალთა ორგანიზაციის აღმასრულებელი დირექტორის მოადგილესთან, იანიკ გლემარეკთან.

შეხვედრაზე განხილულ იქნა საქართველოსა და გაეროს ქალთა ორგანიზაციას შორის თანამშრომლობასთან დაკავშირებული საკითხების ფართო სპექტრი. საუბარი შეეხო გენდერული თანასწორობისა და ქალთა უფლებების დაცვის საკითხებზე გაეროს ქალთა ორგანიზაციის საქმიანობას საქართველოში. აღინიშნა მიმდინარე წლის ოქტომბერში გაერო-ს შესაბამის ორგანიზაციებთან თანამშრომლობით საქართველოს მთავრობის მიერ ჩატარებული  საერთაშორისო კონფერენცია გენდერული თანასწორობის საკითხზე.  

შეხვედრის დასასრულს მინისტრმა მადლობა გადაუხადა გაეროს ქალთა ორგანიზაციას საქართველოში აქტიური საქმიანობისთვის. შეხვედრაზე კიდევ ერთხელ აღინიშნა არსებული თანამშრომლობის გაღრმავების მნიშვნელობა.