ევროპარლამენტმა დიდ ბრიტანეთთან Brexit-ის შემდეგ უვიზო რეჟიმი დაამტკიცა

საქართველო, თბილისი - 15:37 | 04.04.2019
ნანახია: 896

ევროპარლამენტის დეპუტატებმა დაამტკიცეს კანონპროექტი, რომლის თანახამდ, დიდი ბრიტანეთის მოქალაქეები ევროკავშირიდან ქვეყნის გასვლის შემდეგ შენგენის ზონაში უვიზოდ იმოგზაურებენ.

უვიზო რეჟიმს მხარი 502-მა დეპუტატმა დაუჭირა, 81-მა ხმა წინააღმდეგ მისცა, ხოლო 29 დეპუტატმა თავი შეიკავა.

დოკუმენტის თანახმად, Brexit-ის შემდეგ დიდი ბრიტანეთის მოქალაქეები შენგენის ზონაში ნებისმიერი 180 დღიდან 90 დღეს დარჩებიან.

კანონპროექტი, რომელმაც ევროკავშირის საბჭოსგან ფორმალური თანხმობა უნდა მიიღოს, ევროკავშირის ოფიციალურ ჟურნალში 12 აპრილამდე უნდა გამოქვეყნდეს.

ორგანიზებული Brexit-ის შემთხვევაში ეს წესები მოქმედებას გარდამავალი პერიოდის დასრულების შემდეგ დაიწყებს, რომელიც სავარაუდოდ 2020 წლის ბოლომდე გაგრძელდება, შეთანხმების გარეშე Brexit-ის შემთხვევაში კი გამოსვლის მომენტიდან - 2019 წლის 29 მარტიდან, თუ ეს თარიღი მხარეების შეთანხმების საფუძველზე არ შეიცვლება.

 


პოლიტიკა



არქივი

მოგვძებნე Facebook-ზე