საშუალო ევროპული ქვეყანა რომ გავხდეთ რამდენიმე ათწლეული დაგვჭირდება - ზურაბ ჯაფარიძე

ზოგადად სისტემას მართავს ერთი ადამიანი, რომელსაც მხოლოდ თავისი უსაფრთხოება აინტერესებს, - განაცხადა “გირჩის“ ლიდერმა ზურაბ ჯაფარიძემ ტელეკომპანია პირველის გადაცემა „ხალხის პოლიტიკაში“.

მისი თქმით, ქვეყანაში ეკონომიკური ზრდა არის 4%, რაც ჯაფარიძისვე თქმით, იმას ნიშნავს, რომ საშუალო ევროპული ქვეყანა რომ გავხდეთ რამდენიმე ათწლეული დაგვჭირდება.

„ეკონომიკური ზრდა გვაქვს 4%, რაც იმას ნიშნავს, რომ საშუალო ევროპული ქვეყანა რომ გავხდეთ რამდენიმე ათწლეული დაგვჭირდება. ანუ ჩვენი შვილთაშვილები ვერ მოესწრებიან. ეს როგორ შეიძლება კარგი ტენდენცია იყოს?! ამ დროს, გვყავს ეკონომიკის მინისტრი, რომელიც ამბობს, რომ არც გვინდა ორნიშნა ეკონომიკური ზრდაო, რაც არის იმით უნდა დავკმაყოფილდეთო. ინვესტიციებზე იყო საუბარი და მე მგონი ასეთი დაბალი მაჩვენებელი უკანასკნელი წლების განმავლობაში არ გვქონია. ეკონომიკის მთავარი პრობლემა ისაა, რომ ზოგადად სისტემას მართავს ერთი ადამიანი, რომელსაც მხოლოდ თავისი უსაფრთხოება აინტერესებს. აინტერესებს რომ რევოლუცია არ მოხდეს და რუსები არ შემოვარდნენ ტანკებით, მაგრამ ამის იქით, არც ინტერესი და არც ხედვა არ აქვს, ეს ქვეყანა საით უნდა წავიდეს” , - განაცხადა ჯაფარიძემ.