რეჟისორი ერეკლე ბადურაშვილი გარდაიცვალა

ქართველი რეჟისორი და სცენარისტი ერეკლე ბადურაშვილი 57 წლის ასაკში გარდაიცვალა. ინფორმაციას საქართველოს ეროვნული კინოცენტრი ავრცელებს.

ბოლო პერიოდში ის ახალ სრულმეტრაჟიან ფილმზე „ხიდი” მუშაობდა, რომელიც საქართველო-თურქეთის კოპროდუქციაა.

ერეკლე ბადურაშვილი დაიბადა თბილისში.

1983 წელს დაამთავრა თბილისის შოთა რუსთაველის სახელობის თეატრალური ინსტიტუტის სარეჟისორო ფაკულტეტი.

დამდგმელი რეჟისორია ფილმების: "ავტოპორტრეტი"(1987),  "ცოდვის დღესასწაული"(1990), "თბილისი ჩემი სახლია"(1994), "კიდევ ერთი ქართული ისტორია"(2003); სცენარის ავტორია ფილმების: "ავტოპორტრეტი"(1987), "ცოდვის დღესასწაული"(1990); გადაღებულია ფილმში: "მატარებელი"(2001).