მთაწმინდაზე სროლის ხმა ისმოდა

საქართველო, თბილისი - 10:03 | 05.03.2019

ნანახია: 917

თბილისში, მთაწმინდაზე, გუშინ სროლის ხმა ისმოდა. ვეჯინისა და ბესიკის ქუჩებზე საგამოძიებო მოქმედებები მთელი ღამის განმავლობაში მიმდინარეობდა. ორმხრივი სროლის შედეგად ავტომობილი დაზიანდა.

"რუსთავი 2"-ის ინფორმაციით, თავდამსხმელი, სავარაუდოდ, ვეჯინის ქუჩაზე ერთ-ერთი საცხოვრებელი სახლის დაყაჩაღებას გეგმავდა, ადგილზე მისულ პოლიციელებს კი ცეცხლი გაუხსნა. პოლიციელებმა საპასუხოდ ჰაერში გამაფრთხილებელი გასროლა განახორციელეს.

შემთხვევის შედეგად არავინ დაშავებულა, დაკავებულია ერთი პირი. საქმეზე გამოძიება ყაჩაღობის მუხლით მიმდინარეობს.