ლაინერის ტექნიკური გაუმართაობის გამო, ანგელა მერკელს ეგონა, რომ გერმანიას რაღაც დაემართა

გერმანიის კანცლერმა ანგელა მერკელმა აღიარა, რომ ბორტზე ყოფნისას, როდესაც სამთავრობო ლაინერს ინციდენტი შეემთხვა, იფიქრა, რომ გერმანიას რაღაც დაემართა. წერს გაზეთი Welt-ი.

როგორც ცნობილია, ანგელა მერკელის თვითმფრინავმა ტექნიკური გაუმართაობის გამო იძულებითი დაშვება განახორციელა კიოლნის აეროპორტში, როდესაც ბუენოს-აირესში „ოცეულის“ სამიტზე მიფრინავდა.

მერკელმა ინციდენტის შესსხებ ბორტგამცილებლისგან შეიტყო და თავდაპირველად იფიქრა, რომ გერმანიას რაღაც დაემართა.

მერკელის აზრით, მომხდარი ინციდენტი სამთავრობო ლაინერების არასაიმედოობაზე არ მეტყველებს.

 „ერთი შემთხვევის გამო ჩვენი სისტემა რ უნდა შევცვალოთ“, - განაცხადა კანცლერმა.

ანგელა მერკელმა არგენტინისკენ ფრენა გააგრძელა. სადაც ის „ოცეულის“ სამიტს უნდა დაესწროს. ბუენოს-აირესში კანცლერი დღეს საღამოს ჩავა. ის G20-ის სამიტის პირველ დღეს ვერ დაესწრება.