მიუნხენის "ბაიერნი" გიორგი ჩაკვეტაძის შეძენას ისევ ეცდება

მიუნხენის "ბაიერნი" გიორგი ჩაკვეტაძის შეძენას ისევ ეცდება - გერმანული მედია

საქართველო, თბილისი - 14:31 | 20.11.2018

ნანახია: 1576

ერთა ლიგაში წარმატებული ასპარეზობის გამო, 19 წლის გიორგი ჩაკვეტაძის მოსალოდნელი ტრანსფერის შესახებ ევროპული მედია აქტიურად საუბრობს. Sport.de-ს ცნობით, მიუნხენის "ბაიერნი" "გენტის" ქართველი შემტევის შეძენას მეორედ ცდის. ზაფხულის სატრანსფერო სეზონში, ჩაკვეტაძის გადაბირებას პირადად "ბაიერნის" პრეზიდენტი კარლ-ჰაინც რუმენიგე ეცდება.

მიუნხენელები ჩაკვეტაძის შეძენას 2017 წლის ზაფხულშიც ცდილობდნენ, მაგრამ ნახევარმცველი თბილისის "დინამოდან" "გენტში" გადავიდა. წელიწადნახევრის წინ, "ბაიერნი" ჩაკვეტაძის სანაცვლოდ 6 მილიონ ევროს იხდიდა, ამ ეტაპზე კი, ფეხბურთელის ფასი საგრძნობლად გაზრდილია.

შეგახსენებთ, რომ ჩაკვეტაძის ტრანსფერით კატალონიის "ბარსელონაცაა" დაინტერესებული. Sport.de-ს ინფორმაციით, ბარსელონელმა სკაუტებმა ჩაკვეტაძის თამაშს თვალი "დინამო არენას" ტრიბუნიდან მიადევნეს.

"ბარსელონასა" და "ბაიერნის" გარდა, ევროპულ მედიაში ჩაკვეტაძის სახელს "რომას", "ბორნმუთს", "ტოტენჰემსა" და "შახტარს" უკავშირებენ.

წყარო: tabula.ge