საქართველოში თავშესაფარს 995 უცხოელი ითხოვს

საქართველოში საერთაშორისო დაცვის ქვეშ მყოფი სულ 1 192 პირი ცხოვრობს, 995 უცხოელს კი თავშესაფრის მოთხოვნით, რეგისტრაცია უკვე გავლილი აქვს.

სასტუმრო "ჰოლიდეი ინნ"-ში სახალხო დამცველმა სპეციალური ანგარიშის პრეზენტაციისას განაცხადა, რომ 2015 წლის ოქტომბრის მონაცემებით, ლტოლვილის და ჰუმანიტარული სტატუსების მქონე 1 192 პირი ცხოვრობს დამათი უმრავლესობა ერაყის, უკრაინის, რუსეთისა და სირიის მოქალაქეები არიან.

უჩა ნანუაშვილმა ჟურნალისტებტან განაცხადა, რომ მიუხედავად ცვლილებებისა, კანონმდებლობაში კვლავ არსებობს ხარვეზები. 
,,მათ შორის ერთ-ერთი თავშესაფრის მაძიებელთა განაცხადის განხილვის ვადებს უკავშირდება, რაც რიგ შემთხვევაში შესაძლოა 9 თვემდეც გაგრძელდეს. ეს საკმაოდ დიდი პერიოდია, მითუმეტეს, როდესაც საუბარი ეხება თავშესაფრის მაძიებელს. არის ხარვეზები, რომელიც უკავშირდება მაგალითად უარის შემთხვევაში გასაჩივრების ვადას. ეს ვადა 15 დღეა, რომელიც ასევე არ არის საკმარისი და ჩვენ ამ პერიოდის ერთ თვემდე გაზრდას ვითხოვთ. ჩვენი კანონმდებლობა უნდა დაუახლოვდეს საერთაშორისო სტანდარტებს, რაც ასევე არის ვიზალიბერალიზაციის სამოქმედო გეგმის მოთხოვნა", - განაცხადა სახალხო დამცველმა.

ანგარიშის პრეზენტაციას სახელმწიფო უწყებების, დიპლომატიური კორპუსისა და არასამთავრობო ორგანიზაციების წარმოამადგენლები ესწრებიან.