უკრაინელი ბიზნესმენი ქართულ პოლიტიკაში ერთვება და ახალ პარტიას - "ბედნიერ საქართველოს" ქმნის

საქართველოში მცხოვრები უკრაინელი ბიზნესმენი ქართულ პოლიტიკაში ერთვება და ახალ პოლიტიკურ ძალას ქმნის.

ამის შესახებ განცხადება კიევის ყოფილმა მერმა, ლეონიდ ჩერნოვეცკიმ, დღეს ქობულეთში ჟურნალისტებთან შეხვედრირსას გააკეთა.  

"მინდა, წარმოგიდგინოთ ახალი პოლიტიკური ძალა, რომელსაც ჰქვია "ბედნიერი საქართველო". 5 წელია, რაც აქ ვცხოვრობ და მოქალაქეობა მივიღე. საქართველო ძალიან ღარიბი ქვეყანაა. აკლია პარტია, რომელიც მიხედავს საქართველოს მოსახლეობას და პრობლემებს. პარტიის მიზანია სოციალური მდგომარეობის გამოსწორება, ინვესტორების შემოყვანა და ეკონომიკის ამაღლება. ჩინოვნიკებს შევუმცირებ ხელფასებს, რის ხარჯზეც პენსიას გავზრდი 400-დან 500 ლარამდე. ასევე შევიმუშავებ უფასო დაზღვევას და მძიმე ავადმყოფობით დაავადებული ადამიანების საზღვარგარეთ მკურნალობას," - ამბობს ლეონიდ ჩერნოვეცკი.