რუსეთის ჯარები გადმოვლენ და მორფინის მარაგებს საავადმყოფოდან გაიტაცებენ? - აკაკი ზოიძე მარიამ ჯაშს

ნარკოტიკების ტრანზიტი და ოკუპირებული ტერიტორიები წარმოებასთან რა შუაშია? - ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ განათლების კომიტეტის თავმჯდომარე მარიამ ჯაშის განცხადებასთან დაკავშირებით აღნიშნა.

მისი თქმით, მას არ ესმის, რაზეა საუბარი.

„იქიდან რუსეთის ჯარი გადმოვა და იმ ადგილს გაძარცვავს, სადაც წარმოება მიდის? ნარკოტიკების ტრანზიტი და ოკუპირებული ტერიტორიები წარმოებასთან რა შუაშია? რუსეთის ჯარები გადმოვლენ და ჩვენთან მორფინის მარაგებს საავადმყოფოდან გაიტაცებენ? არ მესმის, საუბარი რაზეა“, – განაცხადა ზოძემ.
ცნობისთვის, პარლამენტის განათლების კომიტეტის თავმჯდომარე მარიამ ჯაში ამბობს, რომ მარიხუანას მოხმარებაზე შინაგან საქმეთა სამინისტროს ინიციატივას მხარს უჭერს, თუმცა კანაფის წარმოებასა და ექსპორტში გარკვეულ რისკებს ხედავს. მისივე თქმით, რისკი შეიძლება იყოს როგორც შიდა ბაზარზე არარეგალური ბრუნვის, ასევე ოკუპაციის რეჟიმში ოკუპირებულ ტერიტორიებზე სიტუაციის კონტროლის.