მოვდივარ ქაჯების დასათხოვნად - სალომე ზურაბიშვილი

პრეზიდენტობის კანდიდატმა სალომე ზურაბიშვილმა წინასაარჩევნო კამპანია ქუთაისში, ოპერის თეატრში გამართული შეხვედრით დაიწყო. სალომე ზურაბიშვილის მხარდასაჭერად ქუთაისში ასევე იმყოფებოდნენ „ქართული ოცნების“ ლიდერები, მათ შორის თბილისის მერი კახა კალაძე. „მოვდივარ ისეთი როგორიც ვარ, არაფერს არ ვთამაშობ ... მე მოვდივარ როგორც ემიგრაციის შვილი, მოვდივარ ჩემი ქართული ენით, რომელიც ზოგისთვის დასაწუნია და, რასაც არ აქვს დიდი მნივშნელობა... თუმცა მე ამისთვის ბევრი ვიმუშავე. ...მოვდივარ ქაჯების დასათხოვნად“, - განაცხადა სალომე ზურაბიშვილმა.

სალომე ზურაბიშვილმა საზღვარგარეთ მცხოვრებ ახალგაზრდებს მიმართა, რომლებსაც შესაძლოა მშობლიური ენის პრობლემა ჰქონდეთ. „თქვენ ისწავლეთ ქართული, არ დაივიწყოთ და როგორი ქართულითაც დაბრუნდებით, დაბრუნდით. ჩემი მაგალითი სწორედ ეს არის: მე კიდევაც დავბრუნდი და ხვალ კიდევაც პრეზიდენტი ვიქნები“-  აღნიშნა პრეზიდენტობის კანდიდატმა.