მსოფლიოში ყველაზე მახინჯი ძაღლი მოკვდა

ინგლისური ბულდოგი ჟა ჟა, რომელიც გასულ თვეს მსოფლიოს ყველაზე მახინჯ ძაღლად დასახელდა, მოკვდა.

ძაღლის პატრონის მეგან ბრეინარდის თქმით, ცხრა წლის ძაღლი ძილში მოკვდა.

კონკურსი „მსოფლიოს ყველაზე მახინჯი ძაღლი“ კალიფორნიაში 23 ივნისს გაიმართა. მასში მონაწილეობა მიიღო სხვადასხვა ასაკის 10-ზე მეტმა შინაურმა ცხოველმა. ძაღლები  1500 დოლარის ღირებულების პრიზისა და ნიუ იორკში მოგზაურობისთვის იბრძოდნენ.

კონკურსი ქალაქ  პეთალუმაში ყოველ წელს იმართება. ჟიურის წევრები ითვალისწინებენ არამხოლოდ  ძაღლების გარეგნობას, არამედ მათ თვისებებსაც.