ზაზა სარალიძემ ღამე შს სამინისტროს ეზოში გაათენა

ხორავას ქუჩაზე მოკლული დავით სარალიძის მამამ ზაზა სარალიძემ ღამე შს სამინისტროს ეზოში გაათენა. ის მიხეილ კალანდიას დაკავებას ითხოვს. 

ხორავას ქუჩაზე მოკლული მოზარდის მამა იმ ვიდეო-მასალის დათვალიერების ოქმზე საუბრობს, სადაც მირზა სუბელიანი “უცნობ მამაკაცად“ არის მოხსენიებული.

“მოთხოვნები არ შემიცვლია, მიხეილ კალანდიას დაკავებას ვითხოვ. იქიდან გამომდინარე, რომ საქმის მასალებში არის საკმარისი მტკიცებულებები, რომ პასუხისგებაში მიეცეს.

1 დეკემბერს იყო, თუ 2 დეკემბერს არ აქვს მნიშვნელობა მაშინ იყო პასუხისგებაში მისაცემი მირზა სუბელიანი იმ ფაქტზე რაზეც დღეს არის მიცემული პასუხისგებაში.

ძალიან ბევრი მოწმე იყო დაკითხული 2 დეკემბერს, მაგრამ გაქრა ჩვენებები,“- აცხადებს სარალიძე.

სამინისტროსთან მთელი ღამის განმავლობაში იმყოფებოდნენ ზაზა სარალიძისმხარდამჭერებიც.