გაერო ღაზას სექტორში ისრაელელი სამხედროების ქმედებას ჟენევის კონვენციის დარღვევად აფასებს

ისრაელელი სამხედრეობის მიერ პალესტინელების მკვლელობა შესაძლოა შეფასდეს, როგორც წინასწარგანზრახული დანაშაული, ეს ჟენევის კონვენციის დარღვვეაა. ამის შესახებ გაეროს ადამიანის უფლებათა დაცვის უმაღლესმა კომისარმა ზეიდ რაად ალ ჰუსეინმა განაცხადა.
გაეროს მონაცემებით 12 ათასი პალესტინელი დაიჭრა და 87 გარდაიცვალა ღაზას სექტორის საზღვარზე ისრაელელ სამხედროებთან შეტაკებისას 30 მარტის შემდეგ.

მოკლულთა შორის 12 ბავშვია. კიდევ 29 ადამიანი მათ შორის სამი ბავშვი მოკლულია სხვა გარემოებებში. დაჭრილთაგან 3 500-ზე მეტი ადამიანი საბრძოლო იარაღით მიყენებული ჭრილობების შედეგად დაშავდა.
გაეროს უმაღლესმა კომისარმა  აღნიშნა, რომ ეს ყველაზე დიდი მსხვერპლია პალესტინელ მოსახლეობას შორის რეგიონში 2014 წელს ძალადობის ესკალაციის დაწყებიდან.