მელანია ტრამპს თირკმლების ოპერაცია ჩაუტარდა

აშშ-ის პირველმა ლედიამ მელანია ტრამპმა თირკმელების ოპერაცია გადაიტანა. ამის შესახებ ამერიკის პრეზიდენტის დონალდ ტრამპმა Twitter-ში დაწერა და აღნიშნა, რომ ოპერაცია წარმატებით დასრულდა. მისი თქმით, მელანია თავს შესანიშნავად გრძნობს.

უოლტერ რიდის სამედიცინო ცენტრში, სადაც მელანია წევს, ტრამპი ვერტმფრენით ჩაფრინდა. იქ მან ერთი საათი გაატარა. ამ დროის განმავლობაში მეტეოროლოგიურმა სამსახურმა გაავრცელა ინფორმაცია ვაშინგტონთან ტორნადოს საფრთხის შესახებ. დედაქალაქში კი ქარი ამოვარდა და ძლიერი წვიმა დაიწყო.  ამის გამო ტრამპმა უკან დაბრუნება ავტომობილით გადაწყვიტა.

მოგვიანებით თეთრ სახლში წარმატებული ოპერაციის შესახებ ინფორმაცია დაადასტურეს.

„დღეს დილით პირველმა ლედიმ მელანი ტრამპმა გაიარა ემბოლიზაციის პროცედურა თირკმელების კეთილთვისებიანი მდგომარების სამკურნალოდ“, - ნათქვამია განცხადებაში.
აღნიშნულია, რომ ქირურგიულმა ჩარევამ გართულებების გარეშე ჩაიარა.

48 წლის მელანია საავადმყოფოში ერთ კვირას გაატარებს.

ემბოლიზაცია მიმართულია ცალკეული ორგანოების, ქსოვილების სისხლმომარაგების შეწყვეტისკენ, რაც თავის მხრივ განაპირობებს რაიმე წარმონაქმნის ზომების შემცირებას.