"რიმყოფინე 1, 18" - აქცია საკრებულოსთან

,, თავისუფალი დემოკრატების“ ახალგაზრდულმა ფრთამ თბილისის საკრებულოსთან აქცია "რიმყოფინე 1, 18 " გამართა.
ახალგაზრდებს საკრებულოსთან მიტანილი ჰქონდათ ერთჯერად თეფშებზე დაწყობილი 1 ლარი და 18 თეთრი ღირებულების საკვები პროდუქტი - ერთი ნაჭერი პური, ერთი ნაჭერი ძეხვი და ერთი ცალი ორცხობილა. 
,,საკრებულოში შესვენების დროს "თავისუფალმა დემოკრატებმა" მოვიტანეთ 1 ლარი და 18 თეთრის ღირებულების საკვები, რომელიც შეადგენს ელემენტარულად პურს და ძეხვს. გვინდა, მათ ვკითხოთ, საკმარისია თუ არა მათთვის ეს დღიური ნორმა", - განაცხადა ჟურნალისტებთან "თავისუფალი დემოკრატების" თბილისის ახალგაზრდული ორგანიზაციის ხელმძღვანელმა გიორგი ქადაგიშვილმა.