მამაკაცს, რომელმაც მეგობარი ქალის მკვლელობა „ფეისბუქის“ პირდაპირ ეთერში აჩვენა, უვადო პატიმრობა მიესაჯა

მიჩიგანის შტატის მცხოვრებს ენტონი ჯელიას უვადო პატიმრობა მიესაჯა მეგობარი ქალის მკვლელობისთვის, რომელიც „ფეისბუქის“ პირდაპირ ეთერში აჩვენა. როგორც Daily Mail-ი აღნიშნავს, 20 წლის მამაკაცს ვადამდელი გათავისუფლების იმედი არ უნდა ჰქონდეს.

2016 წლის ნოემბერში ახალგაზრდა მამაკაცმა თავისი 26 წლის მეგობარი ქალი ბრიტანი საუთველი მოკლა.

ჯელიამ კარი შეამტვრია და ქალის მისამართით სროლა დაიწყო, რომელსაც ხელში მცირეწლოვანი ბავშვი ეჭირა. ერთ-ერთი ტყვია საუთველს თავში მოხვდა და ადგილზე გარდაიცვალა.

ჯელიასა და საუთველის ურთიერთობა დიდი ხნის განმავლობაში რთულდებოდა და ახალგაზრდა მამაკაცი ქალს გამუდმებით მოკვლით ემუქრებოდა.

ენტონი ჯელია მკვლელობის ღამეს დააკავეს, როდესაც ის დანაშაულის ადგილს ტოვებდა, პოლიციელების თქმით, ჯელია თავის მოკვლას ცდილობდა.