ჯონი დეპი ფილმის გადაღების დროს თანაშემწეს თავს დაესხა

ჰოლივუდის ვარსკვლავი ჯონი დეპი ფილმ Labyrinth-ის ერთ-ერთ მენეჯერს თავს დაესხა. ინციდენეტი გადაღების დროს ლოს-ანჯელესის ცენტრში მოხდა.

კონფლიქტი იმ დროს  მოხდა, როდესაც ლოკაციების მენეჯერმა რეჟისორს აცნობა, რომ ქუჩების გადაკეტვის დრო ამოიწურა, მაგრამ ფრედ ფურმანმა აღნიშნა, რომ უმჯობესი იქნებოდა, თუ ამის შესახებ პირადად დეპს ეტყოდა. წერს New York Post-ი.

სპირტიანი სასმელის ზემოქმედების ქვეშ მყოფმა მსახიობმა, როდესაც შეიტყო, რომ სხვა დუბლი აღარ იქნებოდა, მენეჯერს ყვირილით მიეჭრა და მის ცემას შეეცადა, შემდეგ კი უთხრა, რომ მისთვის დაერტყა და სანაცლოდ 100 ათას დოლარს დაპირდა.

საბოლოოდ, გადამღები ჯგუფის წევრებმა მსახიობს მენეჯერი ხელიდან ძლივს გამოგლიჯეს.