ბირთვული შეათანხმებიდან აშშ-ის გასვლის შემთხვევაში ირანი ვაშინგტონს მტკივნეული პასუხით ემუქრება

ბირთვული შეთანხმებიდან აშშ-ის გასვლის შემთხვევაში თეირანის პასუხი ვაშინგტონისთვის მტკივნეული იქნება. ამის შესახებ ირანის საგარეო საქმეთა სამინისტროს წარმომადგენელმა ბაჰრამ ქასემიმ განაცხადა.
„აშშ-ის გასვლა ირანის ბირთვული შეთანხმებიდან რთული საქმეა, ირანის საპასუხო ქმედება ამ ნაბიჯზე წარმოუდგენელი და მტკივნეული იქნება ამერიკისთვის“, - განაცხადა ქესემიმ.

მისი თქმით, ირანი პირველი არ გამოვა ბირთვული შეთანხმებიდან, თუმცა მიიღებს აუცილებელ გადაწყვეტილებას თუ ერთობლივი მოქმედების გეგმა ირანელ ხალხს სარგებელს არ მოუტანს.

ირანმა და საერთაშორისო შუამავლების ექვსეულმა (რუსეთი, აშშ, ბრიტანეთი, ჩინეთი, საფრანგეთი, გერმანია) 2015 წელს ირანის ბირთვულ შეთანხმებას მოაწერეს ხელი. მისი შესრულების შედეგად ირანს მოეხსნება ეკონომიკური და ფინანსური სანქციები, რომლებიც მას გაერომ, აშშ-მა და ევროკავშირმა დაუწესა.

აშს-ის პრეზიდენტი დონალდ ტრამპი დიდ ბრიტანეთთან, გერმანიასთან და საფრანგეთთან დისკუსიის შემდეგ 12 მაისამდე განაცხადებს, აშშ დარჩება  თუ არა ირანთან ბირთვულ შეთანხმებაში.