თურქული ხომალდი ბერძნულ გემთან შეჯახებას შეეცადა

მორიგი სერიოზული ინციდენტი მოხდა ეგეოსის ზღვაში - თურქული ხომალდი საბერძნეთის სამხედრო საზღვაო ძალების გემთან შეჯახებას შეეცადა. ინფორმაციას საბერძნეთის შეირაღებული ძალები ავრცელებს.

ინციდნეტი დილით კუნძულ ლესბოსთან მოხდა.

არავინ დაშავებულა და არც ხომალდს მიუღია სერიოზული დაზიანება, თუმცა ბერძნული მედია წერს, რომ მომხდარი მნიშვნელოვან ეჭვებს იწვევს.

უკანასკნელი თვეების განმავლობაში ათენსა და ანკარას შორის ურთიერთობა მკვეთრად დაიძაბა. თურქეთის მხარე ეჭვობს, რომ ეგეოსის ზღვაში არს არსებული ზოგიერთ კუნძული ბერძნებს არ ეკუთვნით და გამუდმებით არღვევს საბერძნეთის საჰაერო და საზღვაო სივრცეს.

თებერვალში თურქული ხომალდი ბერძნულ სანაპირო დაცვის გემს დაეჯახა. მარტის დასაწყისიდან კი თურქეთის ციხეში იმყოფება ორი ბერძენი სამხედრო მოსამსახურე, რომლებიც პატრულირების დროს საზღვრის შემთხვევით გადაკვეთის გამო დააკავეს. დაძაბულობის ესკალაციას იწვევს ორივე ქვეყნის ხელისუფლების წარმომადგენელთა რიტორიკაც.