ეროვნული თავდაცვის უმაღლესი კურსი იწყება
საქართველო, თბილისი - 12:40 | 30.11.2015 ნანახია: 1910
საქართველოს თავდაცვის სამინისტროში ეროვნული თავდაცვის უმაღლესი კურსი იწყება. სემინარი ხვალ კაჭრეთში, სასტუმრო "ამბასადორში" ოფიციალურად გაიხსნება. დღეს კი კურსის მონაწილეებს თავდაცვის მინისტრის მოადგილე ბესიკ ლოლაძე უწყებაში შეხვდა და წარმატებები უსურვა.
"მონაწილეებს ასევე სიტყვით მიმართეს ესტონეთის ელჩმა საქართველოში პრიტ ტურკმა და ნატო-ს სამეკავშირეო ოფისის ხელმძღვანელმა უილიამ ლაჰიუმ. მათ კურსის მნიშვნელობაზე გაამახვილეს ყურადღება.
ეროვნული თავდაცვის უმაღლესი კურსის მიზანია საქართველოს უსაფრთხოების სისტემის მიმოხილვა რეგიონულ და საერთაშორისო კონტექტსში, ასევე, ქვეყნის თითოეული მოქალაქის როლისა და პასუხისმგებლობის ანალიზი ეროვნული თავდაცვისა და უსაფრთხოების სისტემის ფორმირების პროცესში", - აცხადებენ უწყებაში.
მათივე განმარტებით, სემინარი კაჭრეთში, სასტუმრო "ამბასადორში" 4 დღის განმავლობაში გაგრძელდება.
საქართველოს თავდაცვის სამინისტროსა და შეიარაღებული ძალების თანამშრომლებთან ერთად სემინარის მონაწილეები სხვადასხვა სახელმწიფო უწყების ხელმძღვანელ თანამდებობებზე მომუშავე პირები, სასამართლო ხელისუფლების, არასამთავრობო სექტორისა და მედიის წარმომადგენლები არიან.
"კურსის განმავლობაში მონაწილეები თანამედროვე საერთაშორისო უსაფრთხოების სისტემასა და გამოწვევებს, ევროატლანტიკურ სტრუქტურებში საქართველოს ინტეგრაციის პროცესსა და თავდაცვის პოლიტიკის პრიორიტეტებს გაეცნობიან, ასევე მიიღებენ პასუხებს მნიშვნელოვან და აქტუალურ თემებზე. სემინარზე თემატურად განიხილავენ ისეთ საკითხებს, როგორიცაა ტერორიზმის ახალი ტალღა და შესაძლო გავლენა საქართველოს ევროატლანტიკური ინტეგრაციის პროცესზე, ხედვები ვარშავის სამიტის წინ, სამოქალაქო კონტროლი შეიარაღებულ ძალებზე, კანონის უზენაესობა და საზოგადოებრივი უსაფრთხოება. კონფერენციის პარალელურად მონაწილეებს სიმულაციურ კრიზისის სცენარზეც მოუწევთ მუშაობა.
სემინარის ფარგლებში, კურსის მონაწილეები უსაფრთხოებისა და საგარეო პოლიტიკის სფეროებში მომუშავე უმაღლესი თანამდებობების პირების, საკანონმდებლო ორგანოსა და სამოქალაქო საზოგადოების წარმომადგენლების პრეზენტაციებს მოისმენენ. მომხსენებლებს შორის არიან თავდაცვის სამინისტროსა და გენერალური შტაბის ხელმძღვანელი პირები. გენერალური შტაბის უფროსი, გენერალ-მაიორი ვახტანგ კაპანაძე მსმენელებს ჰიბრიდული ომის გამოწვევებსა და საქართველოს შეიარაღებული ძალების პრიორიტეტებს გააცნობს. ეროვნული უსაფრთხოებისა და სტრატეგიული კომუნიკაციის შესახებ მონაწილეებს ესტონელი ექსპერტი რაულ რებანე ვიდეოკონფერენციის საშუალებით გაესაუბრება.
ეროვნული თავდაცვის უმაღლესი კურსი სკანდინავიისა და ბალტიისპირეთის ქვეყნებში ადაპტირებული კურსების მსგავსად ჩამოყალიბდა და დავით აღმაშენებლის სახელობის საქართველოს ეროვნული თავდაცვის აკადემიის პროფესიული განვითარების ცენტრისა და ნატო-ს პროფესიული განვითარების პროგრამის (PDP) ორგანიზებით მეოთხედ ტარდება. სემინარის მხარდამჭერები არიან საქართველოსა და ესტონეთის თავდაცვის სამინისტროები", - განმარტავენ თავდაცვის სამინისტროში.
პოლიტიკა
- იუსტიციის მინისტრის თანამდებობას პაატა სალია დაიკავებს
- რეგიონული განვითარების მინისტრის თანამდებობას გრიგოლ ლილუაშვილი დაიკავებს
- სახელმწიფო უსაფრთხოების სამსახურს ანრი ოხანაშვილი უხელმძღვანელებს
- დღეს ისევ საფრთხეშია სისხლით მოპოვებული თავისუფლება, ისევ ქართველი ხალხის ერთსულოვნების დროა, ჩვენ ვართ ერი, დაბადებული გამარჯვებისთვის და გარდაუვლად ასე იქნება - მამუკა ხაზარაძე
საზოგადოება
- გზა ფერადი, დამოუკიდებელი ცხოვრებისკენ - „თეგეტა ჰოლდინგი“ „აუტიზმის ეროვნული ცენტრის“ მხარდამჭერია
- ექიმების საერთაშორისო დღეს „ვოლვო ქარ საქართველომ“ სამედიცინო სფეროს წარმომადგენლებს ტრადიციულად უმასპინძლა
- განათლება ძალადობის წინააღმდეგ - „მირაბალდები“ Tegeta.care-ზე
- ჩემთვის, გიორგის და სხვა დაღუპული სამხედროების, პოლიციელების, სამოქალაქო პირების ტრაგიკულად შეწყვეტილ სიცოცხლეზე პასუხისმგებლი არის მხოლოდ რუსეთი - მაკა ჩიკვილაძე
სამართალი
- სამეგრელოს პოლიციამ განსაკუთრებით დიდი ოდენობით ნარკოტიკი ამოიღო - დაკავებულია ბელარუსის მოქალაქე
- შსს-მ ”ქურდულ სამყაროსთან” კავშირში მყოფი 7 პირი დააკავა
- მიხეილ სააკაშვილს საზღვრის უკანონო კვეთის საქმეზე 4 წლითა და 6 თვით პატიმრობა მიესაჯა, განაჩენთა ერთობლიობით კი სასჯელის ვადად 12 წელი და 6 თვე განესაზღვრა
- ანატოლი გიგაური მოსამართლემ კვლავ პატიმრობაში დატოვა
მსოფლიო
- რუსეთის ძალებმა ხარკოვზე მასირებული იერიში მიიტანეს, დაშავდა 8 ადამიანი
- სენატმა ნატო-ში აშშ-ის ელჩის თანამდებობაზე მეთიუ უიტაკერის კანდიდატურა დაამტკიცა
- დონალდ ტრამპის ადმინისტრაციაში ამბობენ, რომ უახლოეს თვეებში უკრაინაში ცეცხლის შეწყვეტა შეუძლებელი იქნება - Reuters
- ილონ მასკის კომპანია X, თურქი ოპოზიციონერების, ჟურნალისტებისა და სტუდენტების 700-ზე მეტი ანგარიშის დაბლოკვაზე უარს ამბობს
კონფლიქტები
- ოკუპირებულ აფხაზეთში ე.წ. პარლამენტიდან რუსეთთან „საინვესტიციო ხელშეკრულების“ ე.წ. კანონპროექტის გატანისთვის ემზადებიან
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
ბიზნესი
- „მოემზადე“ – „თეგეტა მოტორსის“ ახალი სეზონური კამპანია
- „თეგეტა მოტორსში“ ზეთის, აკუმულატორისა და საბურავის შეცვლა 20 წუთშია შესაძლებელი
- ახალი ბრენდები, თანამედროვე შოურუმები და გაყიდვების გაზრდილი მაჩვენებლები - როგორი იყო Tegeta Cars-ის 2024
- „თეგეტას“ თურქეთის საავტომობილო ინდუსტრიის ექსპორტიორთა ასოციაცია ეწვია
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრები ერთა ლიგის პლეი ოფში სომხეთს შეხვდება
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს