რა დაარქვეს პრინც უილიამისა და ქეით მიდლტონის მესამე შვილს?

ცნობილი გახდა პრინც უილიამისა და კემბრიჯის ჰერცოგინია ქეითის მესამე შვილის სახელი. ბიჭს ლუი არტურ ჩარლზი დაარქვეს. ამის შესახებ კენსინგტონის სასახლე იუწყება. სრული ტიტულია  - მისი სამეფო უმაღლესობა კემბრიჯის პრინცი ლუი.

ბიჭი 23 აპრილს დაიბადა. ის ბრიტანეთის სამეფო ტახტის რიგით მეხუთე მემკვიდრეა. ლუი დიდი ბრიტანეთის დედოფლის, ელისაბედ მეორის მეექვსე შვილთაშვილია.

პრინც უილიამსა და კემბრიჯის ჰერცოგინიას ასევე ჰყავს უფროსი ვაჟი ჯორჯი (დაიბადა 2013 წელს) და ქალიშვილი შარლოტა (დაიბადა 2015 წელს).