სოციალური ქსელები საშუალო ასაკის პირებისთვის საშიშია - მეცნიერები

მეცნიერები 30-დან 50 წლამდე პირებს ურჩევენ რაც შეიძლება ნაკლები დრო დაუთმონ სოციალურ ქსელებს. ტემპლის უნივერსიტეტის მეცნიერთა აზრით, საშუალო ასაკის ადამიანებისთვის ახალგაზრდა მომხმარებლებთან შედარებით სოციალური ქსელი დიდ საფრთხეს წარმოადგენს.

მეცნიერთა თქმით, საშუალო ასაკის პირები მომატებული რისკის ჯგუფს განეკუთვნებიან. სოციალურ ქსელებში დაკარგულმა დრომ შესაძლოა მათი საშუალო ასაკის კრიზისი უფრო მძაფრი გახადოს.

ამასთან 18-29 წლის ადამიანების ფსიქიკისთვის სოცქსელები არავითარ საფრთხეს არ წარმოადგენენ. მეცნიერთა აზრით, საშუალო ასაკის ადამიანთა უმეტესობა ცხოვრებას ფოტოსურათებით, პოსტებითა და სტატუსებით აფასებენ. ეს მათთვის ცხოვრებაში წარუმატებლობის შესახებ შეხსენების თავისებური ფაქტორია. მსგავსმა შეფასებამ  შესაძლოა გააძლიეროს დეპრესიისა და პანიკური მდგომარეობის განვითარება.

 „საკუთარ მიღწევებს ბევრი ადამიანი თავისი თანატოლების წარმატებებს ადარებს. შედეგად ისინი ასკვნიან, რომ ბევრი ჩანაფიქრის განხორციელება ვერ მოახერხეს“, - განაცხადეს ტემპლის უნივერსიტეტის ექსპერტებმა.

ამერიკელმა სპეციალისტებმა ასეთი დასკვნები 750 ადამიანის ფსიქიკური მდგომარეობის ანალიზის საფუძველზე გააკეთეს.