ქეით მიდლტონი სასწრაფოდ სამშობიარო სახლში გადაიყვანეს

კემბრიჯის ჰერცოგინია ქეით მიდლტონი სასწრაფოდ ლონდონის სამშობიარო სახლში გადაიყვანეს, სადაც უახლოეს ხანებში ქვეყნიერებას ბრიტანეთის ტახტის კიდევ ერთი მემკვიდრე უნდა მოევლინოს. ამის შესახებ ჰეროციგინია ქეითისა და მისი მეუღლის პრინც უილიამის რეზიდენციის - კენსინგტონის სასახლის მიერ გავრცელებულ განცხადებაშია ნათქვამი.

„კემბრიჯის ჰერცოგინია ქეითი მოთავსდა პადინგტონში წმინდა მარიას საავადმყოფოში სამშობიარო ტკივილების ადრეულ სტადიაში“, - ნათქვამია ოფიციალურ განცხადებაში.

კლინიკასთან, სადაც წყვილს 2013 და 2015 წლებში ჯორჯი და შარლოტა შეეძინა, უკვე შეიკრიბნენ სამეფო ოჯახის თაყვანისმცემლები-, რომლებიც მოუთმენლად ელოდებიან პრინცის ან პრინცესას დაბადებას.