მამაკაცს 1 მლნ დოლარის ღირებულების მექსიკური კერძის - ფახიტასის მოპარვისთვის 50-წლიანი პატიმრობა მიესაჯა

ტეხასის შტატში იუსტიციის არასრუწლოვანთა საქმეთა დეპარტამენტის თანამშრომელი რამდენიმე წლის განმავლობაში საკვებ პროდუქტს ხელმძღვანელობის ხარჯზე უკევეთავდა. ამ გზით ცხრა წლის განავლობაში მან 1,25 მლნ დოლარის ღირებულების მექსიკური კერძი ფახიტასი მოიპარა. მას ბრალი 2017 წელს წაუყენეს. ამის შეხაებ Daily Mail-ი იტყობინება.

გილბერტო ესკამილიას თაღლითობის შესახებ გასული წლის აგვისტოში გახდა ცნობილი. კერძების მიტანის სერვისის თანამშრომელმა დეპარტამენტში ესკამილიას არყოფნის დროს დარეკა, რათა 363 კგ ფახიტასის შეკვეთა დაედასტურებინა.

დეპარტამენტში ერთ-ერთმა თანამაშრომელმა უპასუხა, რომ მსგავსი რამ მათ არ დაუკვეთავთ. ამის შემდეგ კომპანიის წარმომადგენელმა განუმარტა, რომ მისი ფირმა იუსტიციის დეპარტამენტში 10 წლის განმავლობაში ემსახურებოდა. მომდევნო დღეს ესკამილიამ აღიარა, რომ საკვებს თითქმის 10 წლის განმავლობაში იპარავდა.

მამაკაცი სამსახურიდან დაუყოვნებლივ გაათავისუფლეს. პოლიციამ ის მალე დააკავა. ესკამილიას სახლის ჩხრეკის დროს იპოვეს ფახიტასით სავსე მაცივარი. მამაკაცს სასამართლომ 50-წლიანი პატიმრობა მიუსაჯა.