„რატომ არ არიან დასჯილები 17 მაისის ჩამდენები?“ - ჩიორა თაქთაქიშვილი

"ერთიანი ნაციონალური მოძრაობის" დეპუტატმა ჩიორა თაქთაქიშვილმა უმრავლესობასა და ირაკლი შოთაძეს ის გახმაურებული საქმეები გაახსენა, რომლებიც ჯერ კიდევ გამოუძიებელია.

"უმრავლესობის წარმომადგენლებს საერთოდ არ უსაუბრიათ იმ რეალურ პრობლემებზე, რომელიც ქვეყანაში არსებობს, თქვენ რომელ საქართველოში ცხოვრობთ? იმ საქართველოში, რომელშიც ბავშვებს და მოხუცებს აუთოებენ? სადაც ბანკების დაყაჩაღება ყოველდღიური ამბავია? სადაც პოლიციის თანამშრომლები მოქალაქეებს ფიზიკურად უსწორდებიან? ეს საქმეებია, რომელიც არ გამოუძიებიათ. ამ ქვეყანაში დაუსჯელები არიან მწამებლები, ციხეში მაყურებლები დაბრუნდნენ, არ ისჯებიან კრიმინალური ავტორიტეტები, რატომ არ არიან დასჯილები 17 მაისის ჩამდენები?

ამ ქვეყანაში მოსახლეობას უნდა დაცულ გარემოში იცხოვრონ, რასაც პროკურატურა სთავაზობს. ეს პროკურატურა იქნება კიდევ ერთხელ შურისძიების წამქეზებელი.

"ერთიანი ნაციონალური მოძრაობა" გააკეთებს ყველაფერს, რომ ხელისუფლებაში მოსვლის შემდეგ და ეს მალე მოხდება, დასრულდეს პოლიტიკურად მოტივირებული მართლმსაჯულება და მივცეთ საზოგადოებას საშუალება მათი უფლებები დაცული იყოს", - განაცხადა ჩიორა თაქთაქიშვილმა