"დედე" პეკინის კინოფესტივალის საკონკურსო პროგრამაში მონაწილეობს

მარიამ ხაჭვანის ფილმი „დედე" პეკინის საერთაშორისო კინოფესტივალის მთავარ საკონკურსო პროგრამაში მოხვდა. ინფორმაცია საქართველოს კინემატოგრაფიის ეროვნული ცენტრი ავრცელებს.

„დედეს“ გარდა, კინოფესტივალის მთავარი ჯილდოს მოსაპოვებლად საკონკურსო პროგრამაში, კიდევ ერთი ქართული ფილმი, ანა ურუშაძის „საშიში დედა“, იქნება წარმოდგენილი.

აღსანიშნავია, რომ კინოფესტივალის სექციაში "პანორამა" ნაჩვენები იქნება ელდარ შენგელაიას ახალი ფილმი "სავარძელი". პეკინის საერთაშორისო კინოფესტივალი 2011 წელს დაარსდა და რამდენიმე წელიწადში უკვე იქცა მსოფლიოს გამოჩენილი და წარმატებული კინემატოგრაფისტების თავშეყრის ადგილად.

ფესტივალი წელს 15-22 აპრილს გაიმართება.