ანალიტიკოსი: წლის ბოლომდე Apple 2,5 მლნ iPad Pro-ს რეალიზაციას მოახერხებს

KGI Securities-ის ანალიტიკოსი მინ ჩი კუო iPad Pro-თან დაკავშირებით საკმაოდ პესიმისტურ პროგნოზს აკეთებს და აცხადებს, რომ  წლის ბოლომდე Apple 2,5 მლნ iPad Pro-ს რეალიზაციას მოახერხებს, რაც „ჩაკბეჩილი ვაშლის“ ახალი პროდუქტისათვის საკმაოდ დაბალი მაჩვენებელია.
ექსპერტი განმარტავს, რომ 2016 წლის პირველ კვარტალში რეალიზაციის მაჩვენებელი 2,1-2,3 მლნ-მდე შემცირდება, რასაც iPad Pro-ის საკმაოდ  მაღალ ფასს უკავშირებს.
ანალიტიკოსი განმარტავს, რომ Apple ამ მაჩვენებელს უნდა შეეგუოს.
თავად კომპანია საკუთარი iPad Pro-ს პოზიციონირებას ბაზარზე ახდენს, როგორც ნოუთბუქის შემცვლელს, საუბარია Windows-ის სისტემაზე მომუშავე კომპიუტერებზე. როგორც ცოტა ხნის უკან თავად Apple-ს გენერალურმა დირექტორმა ტიმ კუკმა აღნიშნა, ამ შემთხვევაში საუბარი არ არის MacBook-ისა და Mac-ის ჩანაცვლებაზე.