მეგან მარკლმა ქორწილში თავისი ძმა არ დაპატიჟა

პრინც ჰარის საცოლემ მეგან მარკლმა სამეფო ქორწილში თავისი ძმა არ დაპატიჟა.

მეგანისა და პრინც ჰარის ქორწილი 19 მაისს გაიმართება. უკვე ცნობილია, რომ ქორწილს 2640 რიგითი ბრიტანელი დაესწრება.

ისინი, ვინც ქორწილს ვერ დაესწრებიან, ცერემონიას თვალს ტელევიზორის საშუალებით მიადევნებენ. როგორც Daily Star-ი წერს, ეკრანთან მეგან მარკლის ძმა ტომასიც დარჩება, რადგან ის სტუმართა სიაში არ  არის.

წყაროს ცნობით, ეს დაკავშირებულია პრესაში ტომასის გამონათქვამებთან. პრინცის საცოლის 50 წლის ძმის მიმართ დასავლური მედიის ყურადღება მას შემდეგ გამახვილდა, რაც მსახიობისა და ელისაბედ მეორის შვილიშვილის დაქორწინების შესახებ გახდა ცნობილი.

ტომასმა მეგანს დახმარებისთვის მიმართა და უთხრა, რომ პრესის მომაბეზრებელი ყურადღების გამო დაკარგა სამსახური და საცხოვრებელი ადგილი სამჯერ გამოიცვალა. მაგრამ მეგანმა ძმას სათანადო ყურადღება არ მიაქცია და ადვოკატის მეშვეობით შეუთვალა, რომ მას არ იცნობდა.. ტომასმა პრესასთან მეგანის საქციელს „სილის გაწვნა“ დას კი უხასიათო უწოდა.

ტომასი მეგანის სქციელს იმით ხსნის, რომ ცოტა ხნის წინ პრესაში მასთან დაკავშირებული სკანდალი აგორდა. მეგანის ძმა ციხეში საცოლესთან ჩხუბის შემდეგ მოხვდა. ტომასის თქმით, მომხდარს ნანობს და თავის საქციელს პრესის ზედმეტი ყურადღების გამო გამოწვეული სტრესით ხსნის.

გავრცელებული ცნობით , პრინც ჰარისა და მეგან მარკლის ქორწილს საცილის ოჯახის მხოლოდ ორი წევრი - მამა და დედა დაესწრებიან.