ცოლ-ქმარმა შვილის გამომცხვარი მარიხუანის კექსი მიირთვა და საავადმყოფოში მოხვდა

ახალგაზრდა იტალიელმა მარიხუანის კექსი გამოაცხო და უნებლიედ მშობლები საავადმყოფოში გაგზავნა.
ფრიულის რეგიონში ცოლ-ქმარმა სამზარეულოში ახალგამომცხვარი კექსი აღმოაჩინეს, რომელიც მათმა 20 წლის ვაჟმა გასაციებლად მაგიდაზე დატოვა.                   

მათ ცდუნებას ვერ გაუძლეს და კექსი გასინჯეს. მალე თავი ცუდად იგრძნეს და სასწრაფო დახმარება გამოიძახეს. საავადმყოფოში ისინი გულის რევასა და  თავის ტკივილს უჩიოდნენ.

გამოკვლევის შედეგად აღმოჩნდა, რომ მოწამვლის მიზეზი ნარკოტიკები იყო, რის შემდეგაც ექიმებმა კარაბინერები გამოიძახეს.

20 წლის ახალგაზრდამ აღიარა, რომ ცომში მარიხუანის დიდი დოზა გამოიყენა. მას კექსის დამოუკიდებლად გამოცხობა „ამსტერდამის“ რეცეპტით უნდოდა.

კარაბინერებმა კექსის დარჩენილი ნაწილი ამოიღეს, ახალგაზრდა კი ნარკოტიოკების შენახვისთვის დააკავეს.